Hasteko, biomaterialei eta diseinu jasangarriari buruzko aurkezpen txikia egingo dugu, materialen berrikuntzako joera berrien ikuspegi globala eskaintzeko eta bertaratutakoek jasangarritasuna zer den sakonago ulertzeko.

Hona hemen tailerraren helburuak:

- Etorkizun jasangarria xede duen diseinua ulertzea: lehendik dauden mugetatik haratago begiratuko dugu, gizarteak gainditu beharreko erronkei eta premiei aurrea hartzeko eta etorkizuneko belaunaldientzako ingurune osasungarri bezain birsortzailea ziurtatzeko.

- Jasangarritasunaren kontzeptua deskodetzea: diseinua eta materialtasuna jasangarritasuna zer den modu kritikoan kolokan jartzeko plataforma moduan erabiltzea.

- Era bateko eta besteko materialen hastapenak azaltzea: ikerketarako metodologien ezarpena eta prozesaketa, materialen sorrerari eta garapenari buruzko oinarrizko jakintza teknikoaren erakusgarri.

- Geure materialen saiakuntzak arakatzeko eta garatzeko gaitasuna edukitzea eta laginak koherentziaz dokumentatzea eta aurkeztea.

Topaketaren amaieran, lanean hasiko gara, eta osagai ez-toxiko zein osasungarrien bidez euren DIY bioplastikoak egiten irakatsiko diegu bertaratutakoei.

*12 plaza ditugu guztira